Rusiya Dövlət Duması 21 aprel 2026-cı ildə keçirilən plenar iclasda kriptovalyutaların dövriyyəsini tənzimləyən "Rəqəmsal valyuta və rəqəmsal hüquqlar haqqında" qanun layihəsini birinci oxunuşda qəbul edib.
"Cebheinfo.az" xəbər verir ki, layihə Rusiyada kriptovalyuta bazarı üçün hərtərəfli hüquqi çərçivə yaratmağı hədəfləyir.
Yeni tənzimləmə ilə rəqəmsal valyuta vahidləri hüquqi olaraq "əmlak" (имущество) statusu alacaq. Bu sayədə kriptovalyutaların alqı-satqısı, investisiya vasitəsi kimi istifadəsi və xarici ticarətdə tətbiqinin yolu açılır.
Layihəyə əsasən:
Kriptovalyutalardan Rusiya daxilində mal və xidmət ödənişlərində istifadə edilə bilməz.Xarici ticarət əməliyyatlarında (ixrac/idxal) istifadə edilə bilər.
İnvestisiya və yığım vasitəsi kimi qiymətləndirilə bilər.
Layihənin ən mühüm yeniliklərindən biri kriptovalyuta əməliyyatlarının yalnız lisenziyalı vasitəçilər vasitəsilə həyata keçirilməsi məcburiyyətini gətirməsidir.
Bu çərçivədə: Kriptovalyuta birjaları, Brokerlər və trast menecerləri, Rəqəmsal depozitarlar, Lisenziyalı kriptovalyuta mübadilə məntəqələri Rusiya Mərkəzi Bankı (RF MB) bu qurumlara lisenziya vermək və bazara nəzarət etmək səlahiyyətinə malik olacaq.
Layihə investorları "ixtisaslı" (qualified) və "ixtisassız" (non-qualified) olaraq iki qrupa ayırır.
İxtisassız investorlar üçün gətirilən məhdudiyyətlər:
Kriptovalyuta alqı-satqısı üçün xüsusi testdən keçməlidirlər. İllik əməliyyat həcmi 300 min rubl ilə məhdudlaşdırılacaq.Yalnız Mərkəzi Bank tərəfindən müəyyən edilən ən likvid kriptovalyutaları (Bitcoin, Ethereum və s.) ala bilərlər.
İxtisaslı investorlar isə hər hansı məhdudiyyət olmadan bütün rəqəmsal aktivlərlə əməliyyat apara biləcəklər.
Layihə tam qəbul edilərsə, tənzimləmənin böyük hissəsi 1 iyul 2026-cı il tarixində qüvvəyə minəcək.
Lakin bəzi maddələrin tətbiqi üçün fərqli təqvimlər nəzərdə tutulur:
"Qara siyahı"dakı kriptovalyutalar üzrə əməliyyatlar 1 iyul 2026-cı ildən etibarən bloklana bilər. Rəsmi "ağ" əməliyyatlar üçün infrastruktur 1 iyul 2027-ci ilə qədər hazır olacaq.
Layihəyə paralel olaraq, hökumət 17 aprel 2026-cı ildə lisenziyasız kriptovalyuta fəaliyyətlərinə qarşı cinayət sanksiyalarını nəzərdə tutan daha bir qanun layihəsi təqdim edib.
Buna görə, Mərkəzi Bank lisenziyası olmadan kriptovalyuta birjası və ya məntəqəsi işlədənləri 7 ilə qədər həbs cəzası gözləyir. Lisenziyasız fəaliyyətlərə görə 300 min rubla qədər pul cəzası və ya 4 ilə qədər məcburi əmək cəzası verilə bilər.
