Fransa millisinin sabiq yarımmüdafiəçisi Patrik Viyera İngiltərə Premyer Liqasının 33-cü turunda baş tutan “Arsenal” – “Mançester Siti” oyunu barədə fikirlərini bölüşüb.
90deqiqe.Az xəbər verir ki, o, qarşılaşmadan sonra Arsenal komandasının çıxışından narazı qaldığını bildirib:
“Arsenal məni çox məyus etdi, çünki komanda gözlənildiyi kimi oynadı”, – deyə Viyera "Sky Sports"a açıqlamasında qeyd edib.
Ekspert əlavə edib ki, Mançester Siti daha təcrübəli kollektiv kimi həlledici məqamlarda üstünlük nümayiş etdirdi:
“Siti bu cür vacib oyunlara daha öyrəşmiş komandadır. Onların futbolçuları təzyiqin öhdəsindən daha yaxşı gəldi”.
Viyera xüsusilə ikinci hissədə oyunun taleyini dəyişən epizodlara diqqət çəkib. Onun sözlərinə görə, “Arsenal”ın hücumçusu Ezenin dirəyə düşən zərbəsindən sonra təşəbbüs qısa müddətə ev sahiblərinə keçsə də, Erling Holandın qolu matçın axarını tam dəyişib.
Qeyd edək ki, qarşılaşma Pep Qvardiolanın rəhbərlik etdiyi komandanın 2:1 hesablı qələbəsi ilə yekunlaşıb.
Hazırda “Arsenal” 33 oyundan sonra 70 xalla turnir cədvəlinin zirvəsində qərarlaşıb. Bir oyun az keçirən “Mançester Siti” isə 67 xalla ikinci pillədə yer alır.
