ain.az, Cebheinfo saytından verilən məlumata əsaslanaraq xəbər yayır.
Gürcüstan Daxili İşlər Nazirliyinin Miqrasiya Departamentinin əməkdaşları son günlər ərzində respublika ərazisində qanunsuz yaşayan 53 əcnəbini saxlayıb.
"Cebheinfo.az" xəbər verir ki, bu barədə qurumun mətbuat xidmətinin məlumatında bildirilir.
Nazirliyin məlumatına görə, saxlanılanlar arasında Qana, Zimbabve, Hindistan, İordaniya, Keniya, Kuba, Rusiya, Türkmənistan, Türkiyə, Uqanda, Filippin və Efiopiya vətəndaşları var.
Hüquq-mühafizə orqanları qanunsuz miqrantların yaşadığı yerlərdə axtarışlar aparıblar. Həmçinin onların iş yerləri yoxlanılıb və nəticədə onların ölkədə miqrasiya qanunvericiliyini pozaraq yaşadıqları müəyyən edilib. Hazırda bütün saxlanılan şəxslər miqrantlar üçün nəzərdə tutulan müvəqqəti təcrid etmə mərkəzinə aparılıb, onların ölkədən çıxarılması istiqamətində işlər görülür.
Gürcüstanda son vaxtlar qeyri-qanuni miqrasiyaya qarşı aktiv mübarizə aparılır. Ölkə parlamenti miqrasiya qanunvericiliyini sərtləşdirərək deportasiya prosedurlarını və miqrantların yoxlanılması qaydalarını sadələşdirib.
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Daha ətraflı məlumat və yeniliklər üçün ain.az saytını izləyin.
