"Neftçi” Misli Premyer Liqasının 28-ci turunun “Zirə” ilə oyunun (1:1) hakimliyinə sərt reaksiya verib.
QOL.az xəbər verir ki, klub “Zirə”nin qol vurduğu epizozun şəklini “Matçda lal, kor, kar VAR” sözləri ilə paylaşıb.
Həmin epizodda “Zirə”nin futbolçusu Ruan Renatonun “Neftçi”nin qapıçısı Kenan Piriçin qarşısını kəsdiyi görünür.
Qeyd edək ki, bu epizodda hakim qolu qeydə alıb, “Neftçi” buna və VAR-ın səssiz qalmasın etiraz edib.
Matçın baş hakimi İnqilab Məmmədov, VAR hakimi Nicat İsmayıllı olub.
