ain.az bildirir, Banco.az portalına istinadən.
Bu ilin I rübündə İqtisadiyyat Nazirliyi yanında Əmlak Məsələləri Dövlət Xidməti özəlləşdirmə və icarədən dövlət büdcəsinə 93,6 milyon manat köçürüb.
Dövlət Xidməti xəbər verir ki, bu, ötən ilin eyni dövrü ilə müqayisədə 84,6 % çoxdur.
Məlumata görə, yanvar-mart aylarında 14 hərrac keçirilib. Hərraclarda 3 səhmdar cəmiyyətinin səhm paketi və 298 nəqliyyat vasitəsi özəlləşdirilib. Bunun hesabına büdcəyə 79,8 milyon manat vəsait daxil olub.
Bundan başqa, rüb ərzində 141-i qeyri-yaşayış, 1 127-si torpaq sahələri üzrə olmaqla 1 268 yeni icarə müqaviləsi bağlanılıb. Bunun hesabına büdcəyə 13,8 milyon manat köçürülüb.
Son 1 ildə özəlləşdirmə gəlirləri 98 %, icarə gəlirləri isə 32,7 % artıb.
Daha ətraflı məlumat və yeniliklər üçün ain.az saytını izləyin.
