Cənubi Afrika Respublikasının polis idarələrindən birinin rəis müavini olmuş Culius Mxavanazi məhkəmə zalında yaşanan qəribə hadisə ilə gündəmə gəlib.
Musavat.com xəbər verir ki, proses zamanı həyəcanını gizlədə bilməyən sabiq məmurun alnına yapışan salfet onu sosial şəbəkələrin əsas müzakirə mövzusuna çevirib.
Məhkəmə iclası zamanı həddindən artıq tərləyən Mxavanazi üzünü silmək istəyərkən gözlənilməz vəziyyətlə qarşılaşıb. Güclü tər səbəbindən kağız salfet onun başına yapışıb və o, uzun müddət bunun fərqinə varmayıb.
Zalda olanların diqqətindən qaçmayan bu kadrlar qısa müddətdə internetdə sürətlə yayılaraq viral olub.
Musavat.com
