Bizimyol saytından verilən məlumata görə, ain.az xəbər verir.
ABŞ prezidenti Donald Tramp İranla münaqişənin həll olunmaya biləcəyini istisna etməyib.
Bizimyol.info xəbər verir ki, bu barədə o, Nevada ştatının Las-Veqas şəhərində vergi sahəsində administrasiyasının fəaliyyəti ilə bağlı tədbirdə çıxışı zamanı bildirib.
Tramp İranla müharibənin enerji daşıyıcılarının qiymətinin artmasına səbəb olduğunu vurğulayaraq, neftin barrelinin 250–300 dollaradək bahalaşacağı proqnozunu xatırladıb. “Amma bu gün neftin barreli 89–90 dollar civarındadır. Və bu müharibə dövründədir, biz hələ onu həll etməmişik. Ola bilsin ki, həll etməyək də”, – deyə o bildirib.
Eyni çıxışında Tramp həmçinin münaqişənin ciddi çətinliklər yaratmadan davam etdiyini və yaxın zamanda başa çatmasının gözlənildiyini vurğulayıb.
ABŞ və İsrail 28 fevral tarixində İrana qarşı genişmiqyaslı əməliyyatlara başlayıb. 7 aprel tarixində ABŞ prezidenti İslam Respublikası ilə iki həftəlik atəşkəs elan edib. 11 aprel tarixində isə İran və ABŞ İslamabadda bir neçə danışıqlar mərhələsi keçirib. İran nümayəndə heyətinə parlament sədri Məhəmməd Baqir Qalibaf rəhbərlik edib, ABŞ nümayəndə heyətinə isə vitse-prezident Ceyms Devid Vens rəhbərlik edib. Daha sonra Tehran və Vaşinqtonun məlumatına görə, tərəflər münaqişənin uzunmüddətli həlli ilə bağlı bir sıra ziddiyyətlər səbəbindən razılığa gələ bilməyib. Yeni danışıqlar mərhələsinin keçirilib-keçirilməyəcəyi isə məlum deyil. Bundan əlavə, ABŞ 13 aprel tarixindən etibarən İranın dəniz limanlarını blokadaya alıb.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
