Rusiyalı iş adamı Samvel Karapetyanın rəhbərlik etdiyi “Güclü Ermənistan” partiyasının on dörd tərəfdarı Ermənistanda saxlanılıb.
Vəkil Yura Dilanyanın sözlərinə görə, səhərdən bəri bu şəxslərin hara köçürüldüyünü, statuslarını və niyə köçürüldüyünü öyrənməyə çalışırıq. Bizə heç bir məlumat verilmir”, – deyə o, ölkənin Korrupsiyaya Qarşı Mübarizə Komitəsinin binasının qarşısında toplaşanlara bildirib. Dilanyan bildirib ki, vəkillərə Korrupsiyaya Qarşı Mübarizə Komitəsinin binasına girmək qadağandır və bu da onların müştərilərini təmsil etmələrinə mane olur. Saxlanılanlara qarşı ittihamlar hələ də aydın deyil.
İctimai xadim Mikael Badalyan “Güclü Ermənistan” partiyasının 15 tərəfdarı və üzvünün saxlanıldığını bildirir. Konstitusiya hüququ üzrə ekspert və “Güclü Ermənistan” partiyasının üzvü Qohar Meloyan seçki siyahısındakı bir qadın da daxil olmaqla, partiya tərəfdarlarının səhər axtarışları və saxlanılmaları barədə məlumat verib.
Bir gün əvvəl Karapetyan Ermənistandakı siyasi proseslərdə iştirak etmək üçün Rusiya və Kipr vətəndaşlığından imtina prosesinə başlayıb. O, iyunun 7-də keçiriləcək Ermənistan parlament seçkilərində iştirak etmək niyyətindədir.
//Samir Qurbanov, Editor.az
