Redaktor.az portalından əldə olunan məlumata əsasən, ain.az xəbər verir.
Çinli alimlər müəyyən ediblər ki, süd məhsullarından qəbul edilən kalsium yaşla bağlı görmə zəifləməsi riskini azalda bilər.
Redaktor.az xəbər verir ki, araşdırmanın nəticələri “Food & Function” jurnalında dərc olunub.
Tədqiqatda 568 nəfər iştirak edib. Onların qidalanma rejimi analiz olunaraq kalsium qəbulu ilə görmə vəziyyəti müqayisə edilib. Nəticələr göstərib ki, daha çox kalsium qəbul edən şəxslərdə yaşa bağlı makulodistrofiya riskinin təxminən iki dəfə az olduğu müşahidə olunub.
Xüsusilə süd və yoqurt kimi məhsulların müntəzəm istifadəsi ilə riskin azalması arasında güclü əlaqə aşkarlanıb. Bu təsir daha çox kalsium çatışmazlığı olan insanlarda özünü göstərib.
Eyni zamanda, tərəvəz və paxlalılar kimi bitki mənşəli mənbələrdən və ya quru süddən alınan kalsiumun bu xəstəliyin riskinə ciddi təsir göstərmədiyi müəyyən edilib.
Alimlər qeyd edirlər ki, nəticələr birbaşa səbəb-nəticə əlaqəsini tam sübut etməsə də, qidalanmanın göz sağlamlığında mühüm rol oynadığını göstərir. Süd məhsullarının rasiona daxil edilməsi xüsusilə yaşlı insanlar üçün görmənin qorunmasına kömək edə bilər.
NURİYYƏ
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
