"M Bulak" MMC bank olmayan kredit təşkilatı (BOKT) 2025-ci ili 3 milyon 416 min manat xalis mənfəətlə başa vurub. BOKT-un maliyyə hesabatına görə, bu, 2024-cü illə müqayisədə 39,8 % azdır.
Ötən il "M Bulak"ın vergiyəqədərki mənfəəti 4 milyon 391 min manat (əvvəlki ilə nisbətən 37,7 % az), mənfəət vergisi ödəmələri isə 975 min manat (29 % az) təşkil edib.
Bu il yanvarın 1-nə "M Bulak"ın aktivləri 58 milyon 661 min manat olub ki, bu da 1 il əvvələ nisbətən 68 % çoxdur. Bunun 54, milyon 684 min manatı müştərilərə verilmiş kreditlərdir. 2025-ci ildə BOKT-un kredit portfeli 62,4 % böyüyüb.
Hesabat dövründə "M Bulak"ın öhdəlikləri 4,5 dəfə artaraq 26 milyon 133 min manata, balans kapitalı isə 11,7 % artaraq 32 milyon 528 min manata çatıb.
Xatırladaq ki, "M Bulak" 2005-ci ildən fəaliyyət göstərən "İnvest Kredit" MMC-nin bazasında 2011-ci ildə "Mol Bulak" adı ilə yaradılıb, 2020-ci ildə yenidən rebrendinq edib. Onun nizamnamə kapitalı 10 milyon 408 min manatdır. BOKT-nin təsisçiləri Qırğızıstan vətəndaşları 95,9 % payla Aleksey Kokarev və 4,1 % payla Babirjan Tolbayevdir.
© "Report"
