ABŞ Maliyyə Nazirliyi dənizdə gözləyən İran neftinin satışına imkan verən müvəqqəti lisenziyanın vaxtı bitdikdən sonra yenilənməyəcəyini açıqlayıb.
AFN.az xəbər verir ki, ABŞ Maliyyə Nazirliyinin sosial media hesabından mövzu ilə bağlı edilən paylaşımda qurumun "iqtisadi qəzəb" çərçivəsində qətiyyətli addımlar ataraq İran üzərindəki maksimum təzyiqi davam etdirdiyi vurğulanıb.
Nazirliyin əlindəki bütün mövcud vasitə və səlahiyyətlərdən sonuna qədər istifadə etdiyi, İranın fəaliyyətlərini dəstəkləməyə davam edən xarici maliyyə qurumlarına qarşı ikincil sanksiyalar tətbiq etməyə hazır olduğu qeyd edilən açıqlamada, dənizdə gözləyən İran neftinin satışına icazə verən qısamüddətli lisenziyanın bir neçə gün ərzində başa çatacağı və yenilənməyəcəyi ifadə olunub.
Nazirlik tərəfindən daha əvvəl yayımlanan lisenziya ilə 20 mart yerli vaxtla saat 00:01-dən əvvəl gəmilərə yüklənmiş İran mənşəli xam neft və neft məhsullarının satışı, çatdırılması və ya boşaldılması ilə bağlı əməliyyatlara müvəqqəti icazə verilmişdi. Sözügedən icazənin 19 aprel yerli vaxtla saat 00:01-ə qədər qüvvədə olacağı bildirilmişdi.
