Azertag saytından alınan məlumatlara görə, ain.az xəbər verir.
Bakı, 15 aprel, AZƏRTAC
ABŞ və İran arasında əldə olunan qısamüddətli atəşkəs regionda gərginliyin müəyyən qədər azalmasına şərait yaratsa da, bu mərhələdə dövlətlərin davranışı daha çox diqqət çəkir. Azərbaycan bu prosesdə tələsik siyasi mövqe sərgiləməkdənsə, daha ölçülü və balanslı addımlar atdı.
Bu sözləri AZƏRTAC-a açıqlamasında politoloq Züriyə Qarayeva söyləyib.
O bildirib ki, Prezident İlham Əliyevin iranlı həmkarı Məsud Pezeşkianla telefon danışığı və onu atəşkəs münasibətilə təbrik etməsi Bakının regionda sabitliyə verdiyi önəmi göstərir. Bu yanaşma, həm də onun göstəricisidir ki, Azərbaycan üçün əsas prioritet qonşuluq münasibətlərinin qorunması və gərginliyin daha da dərinləşməsinin qarşısının alınmasıdır.
“Eyni zamanda, son dövrlərdə baş verən hadisələr fonunda Azərbaycanın davranışı yalnız diplomatik bəyanatlarla məhdudlaşmadı. Humanitar yardımın göndərilməsi, sərhədin sabit saxlanılması və gərgin anlarda qarşı tərəfə yönəlmiş hər hansı riskin yaranmaması real siyasətin göstəricisidir. Bu addımlar həm də onu göstərir ki, regionda süni şəkildə yaradılan qarşıdurma təsəvvürləri praktiki addımlar qarşısında davamlı olmur. Mövcud proseslər iki ölkə arasındakı münasibətlərin daha çox qarşılıqlı etimad üzərində formalaşdırıldığını deməyə əsas verir”, - deyə politoloq qeyd edib.
Sonrakı hadisələr barədə daha çox məlumat almaq üçün ain.az saytını izləyin.
