Rusiya Prezidentinin mətbuat katibi Dmitri Peskov bildirib ki, Moskva Macarıstanın yeni rəhbərliyi ilə iki ölkə arasında mövcud olan praqmatik münasibətlərin davam edəcəyinə ümid edir.
“Cebheinfo.az” xarici mediaya istinadən xəbər verir ki, onun sözlərinə görə, tərəflər arasında əməkdaşlıq əsasən qarşılıqlı maraqlar və real siyasi-iqtisadi gündəm üzərində qurulub.
Kremlin sözçüsü keçirdiyi brifinqdə qeyd edib ki, “Macarıstanın yeni rəhbərliyi ilə yüksək səviyyəli praqmatik əlaqələrimizi davam etdirməyi gözləyirik”.
O vurğulayıb ki, Rusiya üçün Macarıstanla münasibətlər Avropa istiqamətində mühüm əhəmiyyət daşıyır və bu əlaqələrin qorunub saxlanılması prioritetlərdən biridir.
Qeyd edək ki, Moskva ilə Budapeşt arasında münasibətlər son illərdə daha çox iqtisadi və enerji əməkdaşlığı fonunda inkişaf edib.
Bu baxımdan, tərəflərin qarşılıqlı maraqlara əsaslanan siyasəti gələcəkdə də əlaqələrin davamlı olmasına zəmin yaradır.
