ain.az, Bizimyol saytına istinadən bildirir.
İsrail hakimiyyəti ABŞ-da keçiriləcək Livanla danışıqlar zamanı şiə hərəkatı “Hizbullah”ın silahsızlaşdırılmasını təmin edə bilməyəcəyini düşünür.
Bizimyol.info xəbər verir ki, bu barədə məlumatı "Al-Monitor" portalı mənbələrə istinadən yayıb.
İsrailin Baş naziri Benyamin Netanyahu əvvəlcə bildirib ki, 14 aprel tarixində Livan tərəfi ilə keçiriləcək danışıqlarda İsrail yalnız sərhəd bölgələrində deyil, bütün ölkə ərazisində “Hizbullah”ın silahsızlaşdırılmasına çalışacaq. Lakin İsrail Xarici İşlər Nazirliyindən portalın mənbələri vurğulayırlar ki, bunu diplomatik yolla əldə etmək praktik olaraq mümkün deyil.
Verilən məlumata görə, İsrail danışıqlar qrupu ABŞ vasitəçiliyi ilə “Hizbullah”ın təsirini zəiflətmək, İsrail ərazisinin atəşə tutulmasının qarşısını almaq və Livan Silahlı Qüvvələrini gücləndirmək kimi nəticələri uğur hesab edəcək. İsrail tərəfinin fikrincə, Livan ordusu hələ “Hizbullah”ı silahsızlandıracaq qədər güclü deyil. ABŞ və digər qərb ölkələrinin dəstəyi Livan ordusunun mövqelərini möhkəmləndirə bilər.
Portal qeyd edir ki, İsrailin danışıqlar qrupunun rəhbəri, ölkənin ABŞ-dakı səfiri Yehiel Leiter ciddi diplomatik danışıqlarda təcrübəyə malik deyil. Əgər dialoqun ilk mərhələsində müəyyən irəliləyiş əldə olunarsa, Netanyahu növbəti danışıqlara keçən il noyabr ayında istefa verən keçmiş strateji planlaşdırma naziri Ron Dermeri göndərə bilər.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
