"Gassal" serialında Azərbaycan musiqisinə yer verilməsi diqqət çəkib.
Publika.az xəbər verir ki, "Tabii" platformasında yayımlanan ekran işinin bir səhnəsində tanınmış türk müğənni Kubat tərəfindən azərbaycanlı ifaçı Elçin Hüseynovun məşhur "Evlənmirəm" mahnısı səsləndirilib.
Məlumata görə, Elçin Hüseynov bu mahnını təxminən 18 il əvvəl ifa edib və bəstə bu günə qədər populyarlığını qoruyub saxlayır. Xüsusilə el şənliklərində tez-tez səslənən mahnı sənətçinin repertuarında xüsusi yer tutur.
