Ukraynanın xarici işlər naziri Andrey Sibiqa parlament seçkilərindən sonra Macarıstana səyahət tövsiyəsinin ləğv olunduğunu elan edib.
Publika.az xəbər verir ki, o, bu barədə “Facebook”da yazıb. Nazirin sözlərinə görə, qərar seçki kampaniyası başa çatmaq üzrə olduğu bir vaxtda verilib. O, həmçinin səsvermənin nəticələrinin ölkələr arasında münasibətlərin sabitləşməsinə kömək edəcəyinə ümid etdiyini bildirib. Bununla belə, Sibiqa qeyd edib ki, normallaşma prosesinin vaxt və praqmatik iş tələb edəcəyi gözlənilir.
Daha əvvəl Ukrayna Xarici İşlər Nazirliyi vətəndaşlara Macarıstana səfər etməməyi və seçki müşahidəsində iştirak etməkdən çəkinməyi tövsiyə etmişdi və bunu ukraynalılara qarşı potensial təxribat riski ilə əlaqələndirmişdi.
Macarıstanda parlament seçkiləri 12 apreldə keçirilib. Peter Maqyarın rəhbərlik etdiyi partiya seçkilərdə qalib gələrək parlamentdəki 199 yerdən 138-ni təmin edib.
