Bazar ertəsi səhəri neft qiymətləri kəskin şəkildə yüksəlib.
İndi investorlar Yaxın Şərqdəki vəziyyəti qiymətləndirməyə davam edirlər.
“Cebhenfo.az” xəbər verir ki, iyun ayı üçün Brent markalı neftin fyuçersləri Londonun ICE Futures birjasında 6,92 dollar (7,27%) artaraq bir barel üçün 102,12 dollara çatdı.
Cümə günü Brent markalı neftin bir bareli 0,72 dollar (0,75%) azalaraq 95,20 dollara çatdı.
Nyu-York Ticarət Birjasında (NYMEX) elektron ticarətdə may ayı üçün WTI markalı neftin fyuçersləri 8,16 dollar (8,45%) artaraq bir barel üçün 104,73 dollara çatdı. Əvvəlki sessiyada müqavilə 1,30 dollar (1,33%) azalaraq bir barel üçün 96,57 dollara çatıb.
