ain.az bildirir, GlobalInfo portalına istinadən.
“İranın nüvə proqramı məhv edilməsə, İsrail hərbi əməliyyatlara başlayacaq”.
Bunu Globalinfo.az-a açıqlamasında israilli tarixçi və politoloq Avraham Şmuleviç deyib.
O bildirib ki, İranın və Amerikanın tələbləri hələlik birbaşa ziddiyyət təşkil edir:
“İran mahiyyət etibarilə ABŞ-ın təslim olmasını tələb edir ki, Amerika bunu heç bir şəkildə qəbul etməyəcək. Görünür, hər iki ölkə bu danışıqlardan sadəcə fasilə kimi istifadə edir. Amerika Hörmuz boğazını açmaq və minalardan təmizləmək istəyir ki, orada yığılmış təxminən 500 gəmi keçə bilsin. Bu, neftin qiymətini aşağı salacaq və qlobal iqtisadiyyata təzyiqi azaldacaq. Bundan əlavə, Amerika, görünür, ərəb ölkələri ilə birgə hərəkət üçün danışıqlar aparır. Müharibənin son günündə BƏƏ-nin İrana zərbə endirdiyini gördük. Əgər İran rəhbərliyi Amerika şərtləri ilə razılaşmasa, hərbi əməliyyatlar çox güman ki, yenidən başlayacaq. Amerikalılar güc tətbiq edəcək və İranın Hörmüz boğazında nəqliyyatın hərəkətini yenidən bağlamasının qarşısını almaq üçün İran sahillərini, Xark adasını və digər adaları nəzarətə götürəcək”.
Avraham Şmuleviç
Şmuleviçin sözlərinə görə, İsrailin məqsədi yüksək rəhbərliyi tərəfindən açıq şəkildə bildirilib:
“Bu, İranın nüvə proqramlarının məhv edilməsidir. Əgər bu baş verməsə, İsrail hərbi əməliyyatlara başlayacaq. Bəlkə də danışıqlar bitdikdən dərhal deyil, bir qədər sonra. İrana gəldikdə isə, o, fasilədən istifadə edərək yenidən qruplaşacaq, bəlkə də Çindən yeni hava hücumundan müdafiə sistemi alacaq və ümumiyyətlə, İranı bir şəkildə sağaldacaq. Çünki, çox güman ki, iranlılar Amerikanın şərtləri ilə razılaşmasalar, ki bu istisna edilmir, müharibə yenidən başlayacaq. Lakin amerikalılar olduqca sərt şərtlər irəli sürüblər. İran rəhbərliyində olanlar başa düşürlər ki, müharibənin yenidən başlaması onlar üçün ölüm hökmüdür, ona görə də iranlıların Amerikanın şərtləri ilə razılaşma ehtimalını istisna etmirəm”.
Gülnar Səlimova
Globalinfo.az
İstanbul
Hadisənin gedişatını izləmək üçün ain.az saytında ən son yeniliklərə baxın.
