Böyük Britaniya Çaqos arxipelaqının Mavrikiyə qaytarılması planını rəsmi olaraq dondurub.
Musavat.com xəbər verir ki, Baş nazir Keir Starmer hökuməti bu addımı ABŞ prezidenti Donald Trampın İran müharibəsi fonunda kəskin tənqidindən sonra atıb. Transfer prosesinə başlamalı olan qanun layihəsi Kralın çıxışına qarşıdan gələn qədər təqdim olunmayacaq və bu da prosesi faktiki olaraq dayandıracaq.
Qərb mətbuatının yazdığına görə, buna əsas səbəb Vaşinqtonun təzyiqidir. ABŞ prezidenti Donald Tramp Britaniyanın Baş naziri Keir Starmerin "böyük səhv" etdiyini açıqlamışdı: "Bu torpaq Böyük Britaniyadan alınmamalıdır və buna icazə verilərsə, bu, Böyük Müttəfiqimiz üçün zərərli olacaq".
Dieqo Qarsiya iki müttəfiq üçün əsas hərbi bazaya ev sahibliyi edir. O, ABŞ və Böyük Britaniya tərəfindən birgə istifadə olunur və bu obyekt Hind okeanına nəzarət üçün çox vacibdir.
Böyük Britaniya bazanın uzunmüddətli fəaliyyətini təmin etmək üçün növbəti 100 il ərzində Mavrikiyə 3,4 milyard funt sterlinq ödəməli idi. Lakin Tramp buna etiraz etdiyi üçün Britaniya hökuməti məsələni təxirə saldı.
Britaniya hökumətinin sözçüsü bu barədə açıqlamasında bildirib: "Biz razılaşmanın bazanın uzunmüddətli gələcəyini qorumağın ən yaxşı yolu olduğuna inanmağa davam edirik, lakin biz həmişə razılaşmanı yalnız ABŞ-ın dəstəyi ilə davam etdirəcəyimizi demişik".
Bu arada Mavriki hüquqi cavab hazırlayır. Ada dövləti Londona qarşı hüquqi variantları araşdırmağa başlayıb. Bu, bahalı və yorucu məhkəmə proseslərinə səbəb ola bilər.
Musavat.com
