İranın Ali Rəhbəri Ayətullah Əli Xameneinin oğlu Müctəba Xameneinin səhhəti ilə bağlı yeni məlumatlar yayılıb. Pakistanın Rusiyadakı səfiri Feysəl Niaz Tirmizi RTVİ-yə verdiyi xüsusi müsahibəsində bildirib ki, fevralın 28-də baş verən hücum zamanı Müctəba Xamenei də yaralanıb. Səfirin sözlərinə görə, həmin an atasının və ailəsinin yanında olan oğul Xamenei hücumun hədəflərindən biri olub.
NOCOMMENT.az xəbər verir ki, diplomat hazırda Müctəba Xameneinin səhhətində müsbətə doğru irəliləyişin olduğunu vurğulayıb. Tirmizi əldə etdikləri məlumatlara istinadən qeyd edib ki, yaralı varisin vəziyyəti getdikcə yaxşılaşır. Pakistanlı diplomat ailəyə qarşı törədilən bu hadisəni təəssüf hissi ilə qeyd edərək, proseslərin yaxından izlənildiyini diqqətə çatdırıb.
Sara,
NOCOMMENT.az
