Yaxın Şərq böhranı səbəbindən bəzi ölkələrdə yanacaq ehtiyatı 8–10 gün ərzində tükənə bilər və avropalılar uçuşlarını dayandırmaq məcburiyyətində qala bilərlər.
“Cebheinfo.az” xəbər verir ki, bunu İtaliyanın “Corriere della Sera” qəzeti yazıb. Məlumata görə, xarici mediaya istinadən xəbər verir ki, məlum olduğu kimi, Yaxın Şərqdəki gərginlik Hörmüz boğazının bağlanmasına və Aİ-yə yanacaq tədarükünün kəsilməsinə səbəb olub.
Qeyd olunur ki, yalnız iki Avropa ölkəsində 90 günlük aviasiya kerosini ehtiyatı mövcuddur. Bu ehtiyatların may ayının ikinci və üçüncü həftələri arasında tükənəcəyi gözlənilir:
“Beləliklə, may ayı həlledici bir dövrə çevrilir. Əgər Fars körfəzindən daha çox gəmi gəlməzsə, əvvəlcə strateji ehtiyatlardan yanacaq istifadə oluna, daha sonra isə bəzi ölkələrin hava limanlarına kerosin tədarükü dayandırıla bilər”.
Məlumata görə, Aİ boğaz tezliklə yenidən açılsa belə, yanacağın çatdırılması ilə bağlı uzunmüddətli logistika problemlərini də müzakirə edir. Bəzi tankerlər üçün bu proses iki aya qədər davam edə bilər.
Məqalədə qeyd olunur ki, çatışmazlıqla üzləşən Avropa ölkələri üçün Yaxın Şərqə yeganə alternativ ABŞ-dir.
