Beyləqanda abadlıq tədbirləri davamlı xarakter daşıyır. Beyləqan şəhərinin müxtəlif küçə və ərazilərində, eləcə də rayonun kənd və qəsəbələrində kommunal xidmətlər tərəfindən yaşıllıq sahələrinə mütəmadi qulluq göstərilir, ətraf mühitin səliqəli saxlanılması istiqamətində ardıcıl tədbirlər həyata keçirilir.
Həyata keçirilən abadlıq işləri çərçivəsində şəhərin giriş hissəsi, xüsusilə şəhidlərin xatirəsinə həsr olunmuş plakatların yerləşdiyi ərazilər də diqqət mərkəzində saxlanılır, həmin məkanlarda səliqə-sahman yaradılaraq ətrafın baxımlı vəziyyətdə qorunması təmin edilir.
Eyni zamanda, yaşayış binalarının ətrafında, ictimai məkanlarda və keçid hissələrində genişmiqyaslı təmizlik işləri aparılır, ərazilər məişət tullantılarından təmizlənərək ümumi abadlıq səviyyəsi daha da yüksəldilir.
Beyləqan Rayon İcra Hakimiyyətinin tapşırıq və göstərişlərinə uyğun olaraq abadlıq tədbirləri davamlı xarakter daşıyır və mərhələli şəkildə digər əraziləri də əhatə edəcəkdir.
