ABŞ Prezidenti Donald Tramp və NATO-nun Baş katibi Mark Rutte Ağ Evdə mətbuata qapalı görüş keçiriblər.
AFN.az xəbər verir ki, Tramp və Rutte arasındakı bu görüş ABŞ ilə İran arasında müvəqqəti atəşkəs razılaşmasının əldə olunduğu və ABŞ-NATO münasibətlərinin ciddi şəkildə müzakirə edildiyi bir vaxtda baş tutub. Ağ Evdə keçirilən qapalı danışıqlarda əsasən ABŞ-NATO əlaqələri və İranla bağlı gündəmdəki mühüm mövzuların nəzərdən keçirildiyi bildirilib.
Ağ Evin sözçüsü Karolin Livitt "Prezident Tramp hələ də NATO-dan çıxmağı düşünürmü?" sualına cavab olaraq qeyd edib ki, bu məsələ prezidentin daha əvvəl toxunduğu bir mövzudur və Rutte ilə görüşdə də bu mövzunun müzakirə ediləcəyi gözlənilirdi.
