ABŞ Avropa Birliyindəki müttəfiqlərindən Hörmüz boğazında gəmiçiliyin təmin edilməsi üçün təkliflərini bir neçə gün ərzində təqdim etmələrini tələb edir.
Azpost.info bildirir ki, bu barədə Bloomberg agentliyi NATO-nun yüksək vəzifəli rəsmilərinə istinadən məlumat yayıb.
Mənbə bildirib ki, ABŞ Avropa müttəfiqlərindən Hörmüz boğazının təhlükəsizliyini təmin etmək üçün konkret öhdəliklər istəyir.
O, Vaşinqtonun Aİ-dən bir neçə gün ərzində Hörmüz boğazında gəmiçiliyin təmin edilməsi üçün konkret planlar təqdim etməsini gözlədiyini aydınlaşdırıb.
ABŞ rəsmiləri bu tələbləri Ağ Evdə, Pentaqonda və Dövlət Departamentində NATO nümayəndələri ilə görüş zamanı səsləndiriblər.
Qeyd edək ki, aprelin 8-də ABŞ prezidenti Donald Tramp İranla iki həftəlik atəşkəs barədə razılığa gəldiyini elan edib.
