Axsham.az portalından alınan məlumata görə, ain.az xəbər verir.
ABŞ-də məşhur reper Offsetə qarşı silahlı hücumla bağlı bir nəfər saxlanılıb.
Axşam.az xəbər verir ki, bu barədə New York Post məlumat yayıb.
Hadisə Floridada otellərdən birinin qarşısında baş verib. Məlumata görə, Offset pərəstişkarları ilə görüşmək üçün bayıra çıxdığı zaman atəş açılıb və musiqiçi ayağından yaralanıb.
İlkin xəbərlərdə atəşi digər reper Lil Tjayin açdığı iddia olunurdu. Bildirilir ki, tərəflər arasında maliyyə mübahisəsi olub və Offsetin guya borcunu ödəməkdən imtina etməsi gərginliyə səbəb olub.
Florida polisi 24 yaşlı Lil Tjay-i xırda xuliqanlıq ittihamı ilə saxlayaraq Brovard dairəsi həbsxanasına yerləşdirib. Daha sonra o, 500 dollar girov qarşılığında azadlığa buraxılıb. Reper ittihamları qəbul etmir.
Hadisə yerində daha bir nəfərin saxlanıldığı bildirilsə də, ona qarşı rəsmi ittiham irəli sürülməyib.
Hazırda Offset xəstəxanada müalicə alır və vəziyyətinin stabil olduğu qeyd edilir. Atışma zamanı daha bir nəfər də xəsarət alıb, lakin onun həyatı üçün təhlükə olmadığı bildirilir.
Hadisənin gedişatını izləmək üçün ain.az saytında ən son yeniliklərə baxın.
