525.az saytına istinadən ain.az xəbər verir.
Niderlandın xarici işlər naziri Tom Berendsen sabah Türkiyəyə işgüzar səfər edəcək.
525.az xəbər verir ki, bu barədə Türkiyə Xarici İşlər Nazirliyi məlumat yayıb.
Bildirilib ki, bu, Berendsenin xarici işlər naziri vəzifəsinə gəlişindən sonra Türkiyəyə ilk səfəri olacaq.
Hakan Fidanın niderlandlı həmkarı ilə görüşdə iki NATO müttəfiqi olan Türkiyə ilə Niderland arasında çoxşaxəli əlaqələrin inkişaf etdirilməsinin və yüksək səviyyəli səfərlərin artırılmasının vacibliyi vurğulanacaq.
Hakan Fidan Tom Berendsenin səfəri ilə bağlı qeyd edib ki, iki ölkə arasında əməkdaşlığın genişləndirilməsi məqsədi ilə qurulan və qarşıdakı dövrdə Türkiyədə keçirilməsi planlaşdırılan 11-ci “Türkiyə-Niderland Konfransı”nın (Vittenburq Konfransı) ikitərəfli əlaqələrə təkan verəcəyini və ikitərəfli ticarətin həcminin 20 milyard dollar artırılması hədəfi çərçivəsində birgə işlərin davam etdirilməsinin vacibliyini vurğulayıb.
İbrahim Cəfərov
Ən son xəbərləri və yenilikləri almaq üçün ain.az saytını izləyin.
