Ayna portalından verilən məlumata görə, ain.az xəbər yayır.
Şahzadə Niderland Kral Hərbi Hava Qüvvələrinə qoşulub
Niderland şahzadəsi Amaliya Niderland Kral Hərbi Hava Qüvvələrinə kapral rütbəsi ilə qoşulub və təhsili ilə yanaşı, orduda xidmət edəcək. AYNA.AZ xarici mediaya istinadən bildirir ki, bu barədə ölkənin Müdafiə Nazirliyinin saytında dərc edilən açıqlamada qeyd olunub.
Nazirliyin saytında bildirilib ki, "Şahzadə Amaliya bu gün kapral rütbəsi ilə Niderland Kral Hərbi Hava Qüvvələrinə qoşulub".
Amaliya Kral Villem-Aleksandr və Kraliça Maksimanın böyük qızıdır və taxt-tacın varisi hesab olunur. Onun orduya qoşulmaq qərarı üzvləri tez-tez orduda xidmət edən Hollandiya kral evinin ənənəsinə uyğundur.
Şahzadə yanvar ayında əsas hərbi təlimini başa vurub. O bunu Niderland Müdafiə Nazirliyinin ötən payızda 2030-cu ilə qədər silahlı qüvvələrin sayını 100.000 nəfərə çatdırmaq üçün proqram elan etməsindən sonra etmək qərarına gəlib.
Amaliyanın anası, 54 yaşlı Kraliça Maksima da fevralın əvvəlində ehtiyatda olan əsgər kimi orduya qoşulub. Onun təlim proqramına praktiki məşğələlər və fiziki hazırlıq kursları daxil olacaq.
Sonrakı hadisələr barədə daha çox məlumat almaq üçün ain.az saytını izləyin.
