ABŞ dövlət katibi Marko Rubio İraqın paytaxtı Bağdad yaxınlığında "Hizbullah" briqadaları tərəfindən qaçırıldığı bildirilən amerikalı jurnalist Şelli Kittlesonun sərbəst buraxıldığını açıqlayıb.
"Cebheinfo.az" xəbər verir ki, Rubio sosial media üzərindən etdiyi açıqlamada Kittlesonun azad edildiyini bildirib:
"Amerikalı jurnalist Şelli Kittlesonun, İraqın Bağdad şəhəri yaxınlığında xarici terror təşkilatı "Hizbullah" briqadaları üzvləri tərəfindən yaxın keçmişdə qaçırılmasından sonra sərbəst buraxıldığını elan etməkdən məmnunluq duyuram.
ABŞ Dövlət Departamenti onun azad olunmasının təmin edilməsində əməyi olan Federal Təhqiqat Bürosuna (FTB), Müharibə Nazirliyinə, müxtəlif qurumlardan olan ABŞ personallarına, İraq Ali Məhkəmə Şurasına və iraqlı tərəfdaşlarımıza təşəkkürlərini bildirir.
Bu nəticə Tramp administrasiyasının Amerika vətəndaşlarının təhlükəsizliyi və əmin-amanlığına, dünyanın harasında olmalarından asılı olmayaraq, qətiyyətlə bağlı olduğunu göstərir. Prezident Tramp dövründə ABŞ vətəndaşlarının qanunsuz şəkildə saxlanılması və ya qaçırılmasına dözüm nümayiş etdirilməyəcək.
Amerikalıları evə gətirmək və məsuliyyət daşıyanları cavab verməyə məcbur etmək üçün bütün vasitələrdən istifadə etməyə davam edəcəyik. Bu amerikalının artıq azad olmasından məmnunuq və onun İraqdan təhlükəsiz şəkildə ayrılması üçün işlərimiz davam edir".Xatırladaq ki, ABŞ-li jurnalist Kittleson 31 martda Bağdadda qaçırılmışdı.
