İran İslam İnqilabı Keşikçiləri Korpusu (SEPAH) Şərqi Aralıq dənizində yerləşən qaz yataqlarını hədəf ala bilər.
Redaktor.az xəbər verir ki, bu, SEPAH-ın ABŞ-yə son xəbərdarlığında yer alıb.
"Trampın təhdidlərinə cavab olaraq, İran Şərqi Aralıq dənizində böyük qaz ehtiyatı olan Kariş və Tanin yataqları ilkin hədəf kimi irəli sürüb", - bəyanatda bildirilib.
Qeyd edək ki, Kariş (Karish) Aralıq dənizinin şərq hissəsində, İsrailin şimal sahillərindən təxminən 90-100 km məsafədə yerləşən təbii qaz yatağıdır. 2013-cü ildə kəşf edilən bu yataq İsrailin enerji təhlükəsizliyi və ixrac potensialı üçün strateji əhəmiyyət kəsb edir. Yataqdan ilk qaz hasilatına 2022-ci ilin oktyabrında başlanılıb. İlkin hesablamalara görə, yataqda təxminən 28–42 milyard kubmetr (bəzi mənbələrə görə 45–57 mlrd m³) qaz ehtiyatı var.
Tanin qaz yatağı da Aralıq dənizinin şərq hissəsində, İsrail sahillərindən təxminən 120 km məsafədə yerləşir. 2024-cü ilin sonuna olan məlumata görə, Tanin yatağında təxminən 917,6 milyard kub fut (təxminən 26 milyard kubmetr) qaz və 4,4 milyon barel kondensat ehtiyatı olduğu təxmin edilir.
