İsrailin Tehranda keçirdiyi dəqiq əməliyyat nəticəsində yüksək rütbəli hərbi şəxs zərərsizləşdirilib...
Poliqon xəbər verir ki, bu barədə müxtəlif mənbələr məlumat yayıb.
Məlumata görə, ötən gecə İsrail Hərbi Hava Qüvvələri İranın paytaxtı Tehranda yüksək dəqiqlikli əməliyyat həyata keçirib. Hücum nəticəsində İran İslam İnqilabı Keşikçiləri Korpusunun (SEPAH) “Qüds” xüsusi əməliyyatlar bölməsinin rəhbəri Əcər Baakri öldürülüb.
Bildirilir ki, Baakri 2019-cu ildən etibarən bu elit bölməyə rəhbərlik edirdi. İsrail hərbi kəşfiyyatı (AMAN) onu İsrail və ABŞ obyektlərinə qarşı həyata keçirilən hücumların əsas planlaşdırıcısı kimi qiymətləndirir.
Mənbələrin məlumatına əsasən, Baakri yalnız Suriya və Livan kimi region ölkələrində deyil, həm də birbaşa İsrail ərazisində həyata keçirilən əməliyyatların koordinasiyasında mühüm rol oynayıb.
Ekspertlər qeyd edirlər ki, belə yüksək səviyyəli fiqurun hədəfə alınması regionda gərginliyin daha da artmasına səbəb ola bilər və İranın cavab addımlarını sürətləndirə bilər.
Hadisə Yaxın Şərqdə davam edən hərbi qarşıdurmanın miqyasının genişlənə biləcəyinə dair siqnallar kimi qiymətləndirilir.
Poliqon.info
