“Neftçi”nin kapitanı Emin Mahmudov zədə səbəbindən bir müddətdir iynə hesabına oynayırmış.
İdmanxeber.az-ın məlumatına görə, son oyunlarda ağrısı artan futbolçu müalicə üçün Serbiyaya yollanmışdı. Kapitan artıq Azərbaycana dönüb.
O, dünən “Neftçi”nin “Sumqayıt”la səfər matçında komandanın düşərgəsinə qoşulub. Yarımmüdafiəçi meydana çıxmasa da, kollektivin yanında olub.
Xatırladaq ki, təcrübəli futbolçunun müalicəsi hələ də davam edir. Onun yenidən yaşıl meydanlara nə zaman qayıdacağı bəlli deyil. Mahmuov bir neçə gün sonra fərdi məşqlərə başlayacaq.
