“Aston Martin” pilotu və ikiqat Formula-1 çempionu Fernando Alonso oğluna verdiyi adı açıqlayıb.
Publika.az xəbər verir ki, o, bu barədə sosial şəbəkə paylaşım edib:
“Bu gün ‘mətbuat’dan öyrəndik ki, oğlumuzun başqa adı var. Halbuki biz onu hər gün gördüyümüz üçün oğlumuzu Leonar adlandırmağa davam edirik”.
Bundan əvvəl mediada ispaniyalı pilotun oğluna öz adını – Fernando verdiyi barədə məlumat yayılmışdı. Lakin o, bu xəbərləri təkzib edib və Formula-1 tərəfindən hədiyyə edilən paddok buraxılışını nümayiş etdirib.
