ain.az, Bizimyol portalından verilən məlumatlara əsaslanaraq xəbər verir.
“Vətəndaş Müqaviləsi” partiyası “özündə güc taparaq” “Qarabağ Hərəkatı”na yanaşmasını yenidən nəzərdən keçirib və sülh gündəliyinə doğru yol seçib.
Bizimyol.info xəbər verir ki, bunu Ermənistanın Baş naziri Nikol Paşinyan fövqəladə qurultayda bildirib.
Onun sözlərinə görə, sülh gündəliyinə keçid 2018-ci il hadisələrindən və 2021-ci il növbədənkənar seçkilərdən sonra partiya üçün “yeni bir inqilab” olub. Paşinyan etiraf edib ki, 2021-ci il seçki proqramı belə hədəfləri əks etdirmirdi və bir çox cəhətdən digər siyasi qüvvələrin proqramlarından fərqlənmirdi.
O bildirib ki, özü və tərəfdarlarının böyük bir qismi siyasi fəaliyyətə başladıqda “Qarabağ Hərəkatı”ndan ilhamlanıb və Ermənistanın ilk prezidenti Levon Ter-Petrosyanı dəstəkləyib.
“Liderlik, özünü analiz etmək və tənqid etmək qabiliyyətini tələb edir. Vəziyyəti başa düşərək ölkəni geosiyasi tələlərdən çıxarmalı idik. Çətin yolu keçdikdən sonra cəsarət tapıb dedik ki, Qarabağ Hərəkatını davam etdirməyəcəyik”, — deyə baş nazir vurğulayıb.
Paşinyan əlavə edib ki, sülh gündəliyi müxalifətin müqaviməti ilə üzləşəcək. Onlar “üç başlı müharibə partiyası” kimi xarakterizə olunur, burada Samvel Karapetyan, Robert Koçaryan və Qaqik Tsarukyan nəzərdə tutulur.
O, həmçinin müxalifətin tənqidlərinə münasibət bildirib. Müxalifət 2021-ci ildə “Vətəndaş Müqaviləsi”nin Qarabağ ərazilərinin "işğaldan azad edilməsi" ilə bağlı açıqlamalarını xatırladır.
“Qarabağın əvvəllər bizim, indi isə bizim olmadığını deməyimizə cavab olaraq biz deyirik ki, Ermənistan Respublikası əvvəllər bizim deyildi, indi isə bizimdir”, — deyə Paşinyan qeyd edib.
Baş nazirin sözlərinə görə, hakimiyyətin məqsədi vətəndaşlara “əzabkeş” yox, normal həyat təmin etməkdir. Bu baxımdan o, Papa Fransisklə görüşdən bir epizodu xatırladıb: "O dedi ki, erməniləri əzabkeş xalq kimi tanıyır. Mən cavab verdim ki, missiyamız erməniləri əzabkeş olmaqlarından çıxarmaqdır. O soruşdu: "Bəs nə ilə məşğul olacaqsınız?" Mən cavab verdim: "Sadəcə yaşayacağıq və dövlət quracağıq"", — deyə Paşinyan bildirib.
O vurğulayıb ki, hakimiyyətin vəzifəsi ölkəni “stabil və rifah içində” irəli aparmaq, dövlət quruculuğu üzərinini görməkdir. Həmçinin sülhün qorunması və ardıcıl siyasətin vacibliyini qeyd edib.
Bu kontekstdə “Vətəndaş Müqaviləsi” partiyası seçkilərdə “Sülh üçün məsuliyyəti götür” şüarı ilə iştirak etməyi planlaşdırır.
Hadisənin gedişatını izləmək üçün ain.az saytında ən son yeniliklərə baxın.
