İranda mühafizəkar deputat Həmid Razaei ölkənin keçmiş prezidenti Həsən Ruhani və sabiq xarici işlər naziri Məhəmməd Cavad Zərifin həbs olunması üçün məhkəmə orqanlarına çağırış edib. Bu tələbə hər iki siyasətçinin davam edən müharibənin dayandırılması və diplomatik yollarla həlli ilə bağlı verdiyi bəyanatlar səbəb olub.
NOCOMMENT.az xəbər verir ki, deputat Razaei məhkəmə sistemini bu siyasətçilərə qarşı “hüquqi zərbə” endirməyə və onları dərhal saxlamalı olmağa səsləyib. Buna səbəb kimi Ruhaninin münaqişənin “layiqli” şəkildə başa çatdırılması barədə fikirləri və Zərifin gərginliyi azaltmaq üçün irəli sürdüyü təkliflər göstərilib.
Xüsusilə Zərifin “Foreign Affairs” jurnalındakı məqaləsi ölkə daxilindəki mühafizəkarların qəzəbinə səbəb olub. Keçmiş nazir məqaləsində qeyd edib ki, əldə olunacaq razılaşma sadəcə müvəqqəti atəşkəslə məhdudlaşmamalı, münaqişənin köklü səbəblərini aradan qaldırmalıdır. O, beynəlxalq nəzarət altında məhdud uran zənginləşdirilməsini davam etdirməklə sanksiyaların ləğvinə və ABŞ-la İran arasında “hücum etməmək haqqında pakt” imzalanmasına çağırıb. Lakin bu diplomatik yanaşma İrandakı sərt xətt tərəfdarları tərəfindən dövlət maraqlarına xəyanət kimi qiymətləndirilir.
Sara,
NOCOMMENT.az
