“Tehrandakı keçmiş ABŞ səfirliyi kompleksinə edilən hücum təəccüblüdür və ABŞ-nin “acizliyini etiraf etdiyini” göstərir”.
“Cebheinfo.az” xarici mediaya istinadən xəbər verir ki, bunu Rusiya Xarici İşlər Nazirliyinin sözçüsü Mariya Zaxarova ABŞ–İsrail tandeminin raket zərbələri nəticəsində Tehrandakı Müqəddəs Nikolay katedralına dəyən ziyanla bağlı şərhində bildirib.
“Xüsusilə təəccüblü olan odur ki, əsas zərbə İran inqilabçı gənclərinin 1979-cu ildə nəzarəti ələ keçirdiyi kafedraldan bir neçə metr aralıda yerləşən keçmiş ABŞ səfirliyi kompleksinə dəyib.
Bu, amerikalıların çarəsizliyini etiraf etdiklərini və hərbi maşının onları Tehrana qələbə ilə qaytarmaq qabiliyyətinə inamlarını tamamilə itirdiklərini göstərir”, – deyə qeyd edib.
Zaxarova vurğulayıb ki, Rusiya ABŞ və İsrailin hava hücumu zamanı Tehrandakı Müqəddəs Nikolay katedralına dəyən ciddi ziyan barədə məlumatlardan da şoka düşüb.
