ain.az xəbər verir, Azertag saytına əsaslanaraq.
Bakı, 3 aprel, AZƏRTAC
“Detector404” və “Sboy.rf” saytlarının məlumatlarına görə, istifadəçilər “Sberbank” mobil tətbiqində genişmiqyaslı sistem nasazlığı barədə məlumat verirlər. Müştərilər şərhlərində “Sberbank” ilə yanaşı, SBP, “T-Bank”, VTB, “Ozon Bank” və “Alfa-Bank” kartları ilə alış-veriş üçün ödəniş edə bilmədiklərini, mobil tətbiqdə pul köçürməyin və ya nağd pul çıxarmağın mümkün olmadığını bildirirlər.
AZƏRTAC “Kommersant”a istinadla xəbər verir ki, “Downdetector”un məlumatına görə, “Sberbank” tətbiqi ilə bağlı şikayətlərin sayı Moskva vaxtı ilə saat 10:15 radələrində kəskin şəkildə artıb və saat 11:05-ə qədər 1245-ə çatıb. Saat 11:15-ə qədər bu rəqəm 810-a düşüb. “Sberbank” tətbiqi istifadəçiləri alış-veriş üçün kart, QR kodu və ya “Bluetooth” vasitəsilə ödəniş edə bilmirlər. Bankın dəstək çatında müştərilər hazırda 12 dəqiqədən çoxdur ki, gözləyirlər. “Sber” tətbiqində kart ödənişləri ilə bağlı mümkün çətinliklər barədə xəbərdarlıq edilir.
Şikayətlərin əksəriyyəti Moskva, Sverdlovsk, Samara və Novosibirsk vilayətlərindən və Sankt-Peterburqdan gəlir.
“Mir” ödəniş sistemi operatorunun mətbuat xidməti bildirib ki, nasazlıq banklardan biri tərəfindən baş verib. Onlar Milli Ödəniş Kartı Sisteminin bütün sistemlərinin normal işlədiyini vurğulayıblar və qeyd ediblər ki, vəziyyət vəsaitlərin təhlükəsizliyinə təsir göstərmir.
Ən son xəbərləri və yenilikləri almaq üçün ain.az saytını izləyin.
