Axar.az portalından alınan məlumata görə, ain.az xəbər verir.
Hazırda 10 Saylı Cəzaçəkmə Müəssisəsində saxlanılan sabiq deputat Hüseyn Abdullayevin vəkili Günay İsmayılova onunla görüşüb.
Axar.az xəbər verir ki, vəkilin Gununsesi.info-ya verdiyi məlumata görə, görüş cəmi 5 dəqiqə çəkib:
“Hüseyn Abdullayev səhhətində olan problemlərlə əlaqədar o görüşdə cəmi 5 dəqiqə qala bildi. Səhhəti getdikcə pisləşir. Xeyli çəki itirib və gözünün altında səhhətində olan problemləri göstərən qaralmalar var idi. Səhhəti o qədər dözülməz idi ki, ölümün bir addımlığında olduğunu dedi. Mən ona təsəlli versəm də, o real durumunu anlatdığını dedi”.
Vəkil onu da əlavə edib ki, bir müddət əvvəl sabiq deputatın anası Zeynəb Abdullayeva Prezident İlham Əliyevə və Vitse-Prezident Mehriban Əliyevaya müraciət edərək oğlunun səhhətində yaranmış problemlə əlaqədar azadlığa buraxılmasını xahiş edib:
“Mən inanmaq istərdim ki, Hüseyn Abdullayevin anasının çağırışına müsbət cavab verilləcək və o, tezliklə azadlığa çıxacaq”.
Hadisənin gedişatını izləmək üçün ain.az saytında ən son yeniliklərə baxın.
