Ukrayna prezidenti Vladimir Zelenski Yaxın Şərqə son səfəri zamanı İsrailə getməyib. O, bunun səbəblərini 30 martda “Axios” jurnalına verdiyi müsahibədə izah edib.
Zelenski, İranda müharibə başlayandan bəri digər ölkələrin Ukraynaya kömək üçün müraciət etdiyini, lakin İsrailin müraciət etmədiyini bildirib. O qeyd edib ki, iki ildir ki, İsrailin Baş naziri Binyamin Netanyahu ilə danışmayıb və onun Ukrayna ilə əməkdaşlıq etmək istəyib-istəmədiyinə “qərar vermək öz işidir”.
Netanyahunun Vladimir Putini dəstəkləyib-dəstəkləmədiyi soruşulduqda, Zelenski bunu bilmədiyini deyib. O, Netanyahunun Rusiya İrana kömək etsə belə, həmişə Rusiya ilə Ukrayna arasında tarazlıq axtardığına inanır. Ukrayna lideri deyib ki, Ukraynanın İsrailə, İsrailin isə Ukraynaya ehtiyacı var. “Biz bu dialoqa hazırıq”, – deyə prezident əlavə edib.
//Samir Qurbanov, Editor.az
