ain.az xəbər verir, Bizimyol saytına əsaslanaraq.
ABŞ Prezidenti Donald Tramp martın 30-u tarixində mart ayı ərzində 12-ci dəfə İran əleyhinə “Epik Qəzəb” (Epic Fury) hərbi əməliyyatının tezliklə başa çatma ehtimalına işarə edib.
Bizimyol.info xəbər verir ki, bu barədə "Axios" portalı məlumat yayıb.
Portalın fikrincə, Ağ Evdən verilən açıqlamalar ziddiyyətlidir, çünki ABŞ hakimiyyəti vətəndaşlarını inandırmağa çalışır ki, konflikt “uzun sürən müharibəyə çevrilməyəcək”. İran əleyhinə əməliyyat artıq beşinci həftəsini keçir və "Axios"un qiymətləndirməsinə görə, bu, ABŞ liderinin əvvəlki – əməliyyatın “dörd-beş həftə” davam edəcəyi – proqnozuna uyğun gəlir.
Lakin ABŞ-ın Yaxın Şərqdəki hərbi personalının sayı 50 mini ötüb, bu da bölgədə döyüşlərin operativ şəkildə başa çatmasına imkan verməyəcək kimi görünür.
Fevralın 28-də ABŞ və İsrail İran əleyhinə müharibəyə başlayıb. Hücumlar İranın ən iri şəhərlərinə, o cümlədən Tehrana yönəldilib. İran İnqilab Keşikçiləri Korpusunun bildirdiyinə görə, ölkə genişmiqyaslı cavab əməliyyatına başlayaraq İsrailə hücum edib. Həmçinin, ABŞ-ın hərbi obyektləri Bəhreyn, İordaniya, İraq, Qətər, Küveyt, BƏƏ və Səudiyyə Ərəbistanında zərbə alıb.
İran hakimiyyəti həmçinin ABŞ, İsrail və islam respublikasına qarşı aqressiyanı dəstəkləyən ölkələrlə əlaqəli gəmilər üçün Hörmüz boğazını bağlayıb. Münaqişə zamanı boğazdan icazəsiz keçən bir neçə tanker hücuma məruz qalıb. Martın 25-də İranın Xarici İşlər naziri Abbas Əraqçi bildirib ki, İran Hörmüz boğazından dost ölkələrin, o cümlədən Rusiya, Hindistan, İraq, Çin və Pakistanın gəmilərinin keçməsinə icazə verib.
Bizimyol.info
Hadisənin gedişatını izləmək üçün ain.az saytında ən son yeniliklərə baxın.
