Avropa Futbol Assosiasiyaları İttifaqı (UEFA) 2028-ci il Avropa çempionatında biletlərin qiymətlərini artırmağı planlaşdırmır.
90deqiqe.Az-ın "The Athletic"ə istinadən məlumatına görə, ən sərfəli kateqoriyalarda qiymətlər 2024-cü il turnirindəki səviyyədə qalacaq. “Fans First” və üçüncü kateqoriya biletlərinin qiyməti müvafiq olaraq 26 və 52 funt sterlinq (30 və 60 avro) təşkil edəcək. Bu, 2024-cü il Almaniya turnirinə bərabərdir.
2028-ci il Avropa çempionatı 9 iyun – 9 iyul tarixlərində İngiltərə, Şotlandiya, Uels və İrlandiyada keçiriləcək. Hazırda çempion İspaniya millisidir. 2024-cü ilin finalında ispaniyalılar Berlində İngiltərəni 2:1 hesabı ilə məğlub edib.
