NATO daxilində İran məsələsinə dair fikir ayrılıqları var.
Bakıvaxtı.az xəbər verir ki, bu barədə Finlandiyanın prezidenti Aleksandr Stubb “Politico”ya müsahibəsində deyib.
Onun sözlərinə görə, alyans iki hissəyə bölünüb: qlobal Şimal ölkələri və qlobal Qərb ölkələri.
“Qlobal Şimal liberal dünya nizamının müdafiəçisi rolunu üzərinə götürür, qlobal Qərb isə daha çox razılaşmalara yönəlmiş ABŞ-dən ibarətdir. Bu, sadəcə reallıqdır”, – deyə o bildirib.
Prezident həmçinin qeyd edib ki, Avropa ölkələrinin Yaxın Şərq siyasətində ABŞ-ni dəstəkləmək üçün mütləq şəkildə birləşmək borcu yoxdur.
“Bu, bir qədər sərt səslənə bilər, amma İran mənim müharibəm deyil, mənim müharibəm Ukraynadır”, – deyə Aleksandr Stubb əlavə edib.
