ABŞ ordusu İranla silahlı münaqişənin ilk üç həftəsində 2,9 milyard dollara qədər ziyana məruz qalıb.
Yeniavaz.com xəbər verir ki, bu rəqəmi “The Wall Street Journal” (WSJ) qəzetinə ABŞ müdafiə nazirinin maliyyə məsələləri üzrə müavini vəzifəsini icra edən Eleyn Makkasker bildirib.
Onun sözlərinə görə, Amerika hərbi texnikasına dəyən ziyan və zədələnmiş avadanlıqların dəyişdirilməsi 1,4 milyard dollarla 2,9 milyard dollar arasında qiymətləndirilir.
Daha yüksək qiymətləndirmə ABŞ hərbi bazasında yerləşən Qətər radarına dəyən ziyanı əhatə edir. WSJ qeyd edir ki, zərərin əsas hissəsi İran raketləri və dronları tərəfindən vurulub.
