ABŞ Taypeyə silah çatdırılmasını sürətləndirmək üçün ciddi addımlar atır.
Musavat.com xəbər verir ki, məlumatı Tayvanın müdafiə naziri Vellinqton Qu açıqlayıb.
Onun sözlərinə görə, Vaşinqton bu məqsədlə xüsusi tapşırıq qrupu yaradıb:
"Amerika Birləşmiş Ştatları artıq müvafiq silah proqramlarını sürətləndirmək və çatdırılma cədvəllərini mümkün qədər tez yerinə yetirməyimizə kömək etmək üçün xüsusi layihə qrupu yaradıb. Amerika Birləşmiş Ştatları müdafiə qabiliyyətlərimizi mümkün qədər tez gücləndirməyimizə həqiqətən kömək etməyə sadiqdir".
Tayvan adanın ən böyük silah təchizatçısına çevrilən ABŞ-dan sifariş edilən silahların çatdırılmasında gecikmələrdən dəfələrlə şikayət edib. Əsas gecikmələrdən biri Lockheed Martin F-16V qırıcı təyyarələrinin çatdırılmasıdır. Tayvan Prezident Donald Trampın ilk müddətində Vaşinqton tərəfindən təsdiqlənmiş satınalma paketinin bir hissəsi olaraq, 2019-cu ildə ABŞ-dan 66 ədəd F-16 Block 70 (F-16V kimi də tanınır) təyyarəsi alıb. Taybeyin ilk təyyarə partiyasını 2023-cü ildə alacağı və bütün təyyarələrin 2026-cı ilin sonuna qədər çatdırılması gözlənilirdi. Lakin müxtəlif səbəblərdən təyyarələr hələ də çatdırılmayıb. Tayvanın Müdafiə Nazirliyi əvvəllər bu qırıcıların ilk partiyasını bu ilin sentyabr ayına qədər alacağını açıqlamışdı, lakin daxil olacaq təyyarələrin sayı hələ dəqiqləşdirilməyib.
Musavat.com
