Birinci xanım Melaniya Tramp Ağ Evdə Amerika istehsalı olan android Figure 3 robotunu təqdim edib.
Tədbir, süni intellekt texnologiyalarının təhsil sisteminə inteqrasiyası strategiyalarının təqdim olunduğu "Gələcəyi Birlikdə Formalaşdırırıq" qlobal sammiti çərçivəsində baş tutub və Ağ Evin mətbuat ofisi tərəfindən yayımlanıb.
ABŞ, Fransa, Polşa, Birləşmiş Ərəb Əmirlikləri və Mərakeşdən nümayəndələr də daxil olmaqla 45 siyasətçini bir araya gətirən Melaniya Tramp təhsil sisteminin gedişatını formalaşdıracaq əsas sahələri qeyd edib: fərdiləşdirilmiş təlim üçün süni intellektdən istifadə, tələbələr üçün robot köməkçilərinin meydana çıxması və təhsil və texnologiyanın ABŞ iqtisadiyyatına təsiri.
Onun sözlərinə görə, süni intellekt nəticədə virtual aləmdən fiziki "insanabənzər sistemlərə" köçəcək. Uşaqlar, bu sistem sayəsində nəinki daha effektiv öyrənə biləcəklər, həm də maraqlarını inkişaf etdirmək və sosial qarşılıqlı əlaqədə olmaq üçün vaxt qazanaraq daha müxtəlif həyat tərzi sürəcəklər.
SAMİRƏ
