Bakı, 25 mart, AZƏRTAC
Mən Bakıya ilk dəfə 1970-ci ildə gəlmişdim. Bu, çox uzun zaman əvvəl olub. İndi şəhərə yenidən baxanda demək olar ki, onu tanımıram. O illərdən yaddaşıma ən çox həkk olunan isə neft qoxusudur.
Bu fikirləri AZƏRTAC-a açıqlamasında “NomadMania” klubunun illik toplantısında iştirak edən fransız səyyah Andre Brugiroux bildirib.
Uzun illər əvvəl Qarabağa və Naxçıvana səfər etmək istəsə də, buna imkan tapmadığını diqqətə çatdıran səyyah deyib: “Həmin vaxt Ermənistandan Qarabağa və Naxçıvana getmək istəyirdim, lakin icazə verilmədi. İndi isə hər iki bölgəyə səfər etmək imkanı yaranıb və bu, məni çox sevindirir”.
