ain.az, Baku.ws portalından verilən məlumatlara əsaslanaraq xəbər verir.
Futbolda mərc və oyun alqı-satqısı ilə bağlı istintaq çərçivəsində həbs edilən Metehan Baltacı 105 gün sonra azadlığa buraxılıb.
BAKU.Ws-in Hürriyet qəzetinə istinadən verdiyi məlumata görə, qərar bu gün keçirilən məhkəmə iclasında qəbul olunub.
Bildirilib ki, prosesdə futbolçuya dəstək məqsədilə bir sıra oyunçular iştirak edib. Eyni zamanda, "Qalatasaray"ın baş məşqçisi Okan Buruk, klubun rəhbər heyətindən Metin Öztürk, Eray Yazqan və Abdullah Kavukcu da məhkəmədə olub.
Qeyd edək ki, prokuror Baltacı üçün 4 il 1 ay 15 gündən 10 il 4 ay 15 günədək həbs cəzası tələb edib. Buna baxmayaraq, məhkəmə onun azadlığa buraxılması barədə qərar verib.
Növbəti məhkəmə prosesi iyunun 12-nə təyin olunub. 2028-ci ilə qədər Qalatasaray klubu ilə müqaviləsi olan futbolçunun oyunlardan kənarlaşdırılma müddəti isə avqustun 7-də başa çatacaq.
Hadisənin gedişatını izləmək üçün ain.az saytında ən son yeniliklərə baxın.
