İsveçin Örebro şəhərində baş verən atışma nəticəsində "Forvard" klubunun 20 yaşlı qapıçısı Huqo Mosshagen həlak olub.
QOL.az xəbər verir ki, bu haqda "Aftonbladet" məlumat yayıb.
Hadisə 21 mart axşamı şəhərin qərb hissəsindəki dayanacaqda yaşanıb. Polisə yerli vaxtla saat 23:26-da zəng daxil olub və hadisə yerində yaralı kişi olduğu bildirilib. Daha sonra Huqo Mosshagen dünyasını dəyişib.
İsveç polisi hələlik cinayətkarı tapmayıb və hadisənin araşdırıldığını bildirib.
Hücum zamanı Mosshagen ən azı bir tanışı ilə birlikdə idi. O, İsveçin dördüncü divizionunda yer alan "Forvard" klubunun əsas komandasında oynayıb.
