20 yaşında klinik ölüm keçirəndən sonra Luiza Pek qeyri-adi bacarıqlar əldə etdiyini iddia edir.
Bizim.Media xəbər verir ki, Nyu-Yorkda həddindən artıq fəal gecə həyatı Peki alkoqol və narkotikdən sui-istifadəyə gətirib çıxarıb. Günlərin birində məclis zamanı həddən artıq doza qəbul etdiyi üçün o, klinik ölüm vəziyyətinə düşüb.
“Göyə yüksəldim və başqa bir planetə düşdüm. Orada bədənim yox oldu və mən uça-uça əcdadlarımla görüşürdüm”, — Pek NeedToKnow nəşrinə danışıb.
Qadın bildirib ki, əcdadları ilə görüşdən sevinc və qürur hissi keçirib, halbuki əvvəllər ailə tarixi onu ümumiyyətlə maraqlandırmırdı.
Həmin vəziyyətdə o, Yerə qayıtmağa çağıran bir səs eşidib: “Sən qala bilməzsən, hələ işini bitirməmisən”. Pek ayılıb ki, klubun barmeni ona süni nəfəs verir və ürək masajı edir.
Bundan sonra o, təcili yardımdan imtina edib, evə gedib və sanki qeyri-adi heç nə baş verməyibmiş kimi davranmağa çalışıb. Lakin Pekin həyatı birdəfəlik dəyişib: o, ölümləri əvvəlcədən hiss etmək, ruhları görmək və insanlarla tanış olmamışdan əvvəl onların adlarını bilmək qabiliyyətinə malik olduğunu deyir.
1987-ci ildə o, çimərlikdə qoca bir kişinin ruhunu gördüyünü, bir neçə il sonra isə hələ doğulmamış bacısı oğlunun sağ qalmayacağını düzgün qabaqcadan hiss etdiyini bildirib.
“Mən qatı materialist və ateist idim, amma bilirdim: bu nə yuxu idi, nə də hallüsinasiyadır”, — Pek əlavə edib.
İndi, 40 ildən çox vaxt keçəndən sonra, 65 yaşlı Luiza yaşadığı təcrübənin nəticələrinin ruhani aləmin mövcudluğunu sübut etdiyini düşünür. O bildirir: “Ağıl və sevgi birdir və onlar bütün kainatda, o cümlədən həyatda təzahür edir”.
Pek öz hekayəsini “Die-Hard Atheist: from NDE Denier to Full-on Woo-Woo” adlı kitabında ətraflı təsvir edib.
Bizim.Media
