Bir çox qadının yaşadığı davamlı yorğunluq, qarın şişkinliyi və nəzarətsiz əhval dəyişiklikləri bədənin həssas tarazlığında problem olduğunu göstərə bilər.
Ölkə.Az xəbər verir ki, bu barədə türkiyəli mama-ginekoloq Şerife Kadriye Erdem danışıb. O bildirib ki, progesteron arasındakı balanssızlığın miqrendən kist əmələ gəlməsinə qədər bir çox xəstəliyə səbəb ola bilər.
Yorğunluq, köp və qəfil əhval dəyişiklikləri yaşayan bir çox qadın bunu tez-tez "gərgin rejim" və ya "stress" adlandıraraq yola verir. Lakin, qadınların ginekologiya klinikalarına müraciət etməsinin əsas səbəblərindən biri olan estrogen dominantlığı, premenstrüel sindrom, menstrual ağrı, miqren, əhval dəyişikliyi və çəki artımı kimi bir çox problemin arxasında dayanan səbəbdir.
Həkimin sözlərinə görə, bu hormonal balanssızlıq həm psixoloji, həm də fiziki simptomlarla özünü göstərir:
“Menstruasiya öncəsi döş dolğunluğu, qarın şişkinliyi, ağır və uzun müddətli menstrual qanaxma, menstruasiya öncəsi gərginlik sindromu, endometrial poliplər, miyomlar, endometrioz kistaları və fibrokistik döş xəstəliyi bunların hamısının bir hissəsidir”, - deyə o xəbərdarlıq edib.
Estrogen və progesteron arasında tarazlığın vacibliyini vurğulayan Dr. Erdem həmçinin əlavə edib:
“Estrogen dominantlığı progesteron çatışmazlığı və ya estrogen artıqlığı hallarında baş verir. Bu vəziyyət, xüsusilə artıq çəkili insanlarda yağ toxumasında hormon istehsalına görə, qaraciyərin hormon parçalanmasında yetərli olmadığı hallarda, bağırsaq sağlamlığının pozulduğu və hormonların xaric edilə bilmədiyi hallarda ortaya çıxır. Bu, həmçinin menopozdan əvvəlki illərdə və estrogeni təqlid edən kimyəvi maddələrlə qəbul edilən endokrin pozucular zamanı təbii olaraq baş verir.
Miqren, yuxu problemləri, qidalanma pozğunluqları və depressiya kimi zehni sağlamlıq problemlərinə əlavə olaraq, döş ağrısı, qarın şişkinliyi və diqqəti cəmləməkdə çətinlik kimi fiziki narahatlıqlar da estrogen dominantlığınının göstəricisi ola bilər”.
Ginekoloq xüsusilə menstrual şikayətlərlə bağlı bu hormonal balanssızlığı nəzərə almağın vacibliyini vurğulayıb. O deyib ki, həyat tərzi dəyişiklikləri artıq estrogenin azaldılması üçün vacibdir:
"Çəki nəzarəti, stressin idarə olunması, müntəzəm idman və zərərli kimyəvi maddələrdən qaçınmaq kimi addımlar olduqca vacibdir. Bundan əlavə, qaraciyər və bağırsaq sağlamlığını dəstəkləmək, qəbizliyin aradan qaldırılması və prebiotiklərin istifadəsi hormon səviyyələrinin tarazlaşmasına kömək edə bilər. Mütəmadi tibbi müayinələr gözardı edilməməlidir.
Estrogen və progesteron balansının qorunması həm fiziki, həm də zehni sağlamlıq üçün vacibdir".
Billurə
