BAKI, 21 mart. TELEQRAF
İran silahlı qüvvələri Yaxın Şərqdə 14 gün davam edən əməliyyatlar zamanı ABŞ hərbi bazalarına ən azı 800 milyon dollar ziyan vurub.
Teleqraf BBC-yə istinadən xəbər verir ki, bu rəqəmlər Center for Strategic and International Studies (CSIS) tərəfindən hazırlanmış hesabatda əks olunub.
Qeyd olunur ki, İran zərbələri əsasən hava hücumundan müdafiə sistemlərinə və peyk rabitəsi obyektlərinə yönəldib. Əsas zərər THAAD sistemlərinə, AN/TPY-2 radarlarına, eləcə də ABŞ bazalarındakı infrastruktura dəyib.
Xatırladaq ki, daha əvvəl ABŞ Müdafiə Nazirliyi Konqresə müraciət edərək İranla bağlı hərbi əməliyyatların davam etdirilməsi və ehtiyatların artırılması üçün əlavə maliyyə vəsaiti istəyib. Məlumata görə, bu məbləğ 200 milyard dollardan çox ola bilər.
